شعر زیر از شاعر گرانقدر ایل قشقایی و دوست عزیزم جناب آقای عوض الله صفری کشکولی است که به حق از شاگردان مکتب ماذون حکیم عارف و ادامه دهنده راه بزرگان ادب ترکی می باشد. ناگفته نماند که آقای صفری اولین بنیانگذار شعر نو "یئنگی قوشما" در ادبیات قشقایی است. ایشان دارای قلمی رسا و زبانی شیرین و شیوا در شعر می باشد. منظومه بلند "یتیم یال" او هر خواننده ای را به یاد "حیدر بابا"ی شهریار می اندازد. گویا مجموعه اشعارش در دست چاپ و انتشار می باشد...
جئيران گله ايدي
بـاهـار اؤلـوب آچیلايـدي گـولوستـان بـــو چمنـه ســرو روان گـله ايـدي
ستمدن ائيلادي ويـران يئـري چـرخ تعجيل ائدمه بيردم آستا يئري چرخ
مينگ دؤرد اؤز ايل دولانايدي گئري چرخ بيـر عـرصيـه شـاه مـردان گله ايـدي
شام باش اؤلـوب هجر ائتيدي پايـانـا یانیق بـاغریم غمـدن اؤلدو ويرانا
ايتـن يـوسف بيـر گله ايدي كنعـانــا فـريـادیمــا صاحب زامــان گله ايدي
بو هجراندان جانیم ياندي ديل ياندي ائلكه يـانـدي مـأوا ياندي ائل ياندي
باهار ياندي چمن ياندي گؤل يانـدي سنبل تئلين آچـیب افشـان گله ايدي
وحـدت يئلـي بيــر اسيـدي ائللره گئنـه سـونـام دولانـايـدي گــؤللـره
شيدا بولبول بيـر قـونـايـدي گـوللره يـاز اؤلـوب چـؤللره جئيـران گله ايدي
روزگــاردان چكيب عمــروم عتـابـي ازل گـؤندن گـؤردو جانیم عذابـي
شـوم فلـگينك يـازقـي يـازان كتابي بيـر ورق دؤنه ايـدي دوران گله ايـدي
ناكس تدبيـريـدي تقـديـر ده گيلـدي لاچيـن لــر لايقـي زنجيـر ده گيلدي
كـوراوغلـويـا اؤلوم تدبيـر ده گيلـدي چنلي بئلـدن يل ائيـوز خـان گله ايدي
لعنت اؤلسون قحط عشقينگ عصرينه عـربينـه ـ عجـمينــه ـ مصـرينــه
شيـدا شيـريـن بيـر گله ايدي قصرينه تيشــه سسـي بيستـونـدان گله ايدي
سني تـاري ده يمـه باغـریم يـارادیر يـوسفـوم هجرينـدن ماتـم سرادیر
بیزدن یارا اوجه داغلار آرادیر ماه اوزو دردیمه درمان گله ایدی